Лас-Вегастағы ең керемет бассейн кешіне арналған толық нұсқаулық

Лас-Вегас ең алдымен казиноларымен танымал болуы мүмкін, бірақ қаладағы бассейн кештерінің танымалдығы артып келеді. Осындай кешке қатыспай, Вегасқа жасаған сапарыңызды толыққанды деуге болмайды! Бұл мақалада біз сізге қаладағы ең жақсы күндізгі клубтарды көрсетіп, не күтуге болатыны туралы кеңес береміз және шытырман оқиғаңызға дайындалуға көмектесеміз. Ендеше, бастайық және Күнә қаласында уақытыңызды керемет өткізуіңізге жағдай жасайық!

Вегастағы ең жақсы күндізгі клуб #

Бассейн кешінің не екенін ұзақ түсіндірудің қажеті жоқ шығар. Лас-Вегастағы бассейн кешінен Вегастың түнгі клубында күткеніңіздің бәрін табасыз, тек ол күндіз және бассейнде өтеді. Мұнда бассейнде диджейлердің өнері, би, сусындар және тағы басқа көп нәрсе ұсынылады.

Керемет бассейн кешінде демалуға және билеуге арналған орын көп, сусындардың таңдауы жақсы әрі музыка тамаша болады. Бұларды бағалау біршама жеке талғамға байланысты болғанымен, кейбір кештер керемет өтетінімен танымал.

Ең үздік 5 кеш:

1. MGM Grand аумағында өтетін Wet Republic Pool Party Vegas. Мұнда тұзды суы бар бассейндер де, кәдімгі бассейндер де бар.

2. Cosmopolitan аумағындағы Marquee Dayclub. Ол бірнеше деңгейде өтеді, тіпті шатырда бассейні де бар.

3. Wynn Las Vegas аумағындағы Encore Beach Club. Бұл жағажай тақырыбындағы кеш, яғни мұнда демалуға арналған шағын күркелер, көптеген бассейн және мол музыка бар.

4. Cromwell Hotel аумағындағы Drai’s Beachclub. Басқа көптеген кештерде би музыкасы ойналса, бұл кеш хип-хопқа бағытталған.

5. Mandalay Bay аумағында өтетін Daylight Beach Club. Мұнда ауданы 4,400 шаршы фут болатын бассейн бар, сондай-ақ латын музыкасы мен сальсаға арналған түрлі кештер өтеді.

Вегастағы бассейн кештері бір-бірінен едәуір ерекшеленеді. Музыкалық талғамыңызға және кеш туралы ойыңызға сай келетінін табу үшін барлық нұсқаны қарап шығыңыз.

Лас-Вегастағы бассейн кешінен не күтуге болады #

Вегастағы бассейн кешіне баруды асыға күтіп жүрсіз бе? Мұндай кешке алғаш рет бару қобалжытатынын білеміз. Уайымдамаңыз: жиі қойылатын сұрақтарға жауап беріп, ең керемет кешке дайындалуыңызға көмектесеміз.

Кіру қанша тұрады? #

Баға көбіне кештің ауқымы мен өнер көрсететін орындаушыларға байланысты болады. Мысалы, Вегастағы Wet Republic Pool Party кешіне кіру ерлер үшін $50, әйелдер үшін $30 тұрады.

Лас-Вегастағы кеш өтетін бассейндерге келгенде, кіреберісте кіру ақысын төлеу қалыпты жағдай. Кешке байланысты кіру ақысы $30-$150 аралығында болуы мүмкін, сондай-ақ ерлер көбірек төлеуге дайын болуы керек. Мерекелік іс-шаралар мен арнайы қойылымдар кезінде кіру ақысы әдеттегіден жоғары болуы мүмкін екенін есте сақтаңыз. Мұның бәрі Вегастағы әсердің бір бөлігі!

Киімге қойылатын талаптар бар ма? #

Бассейн кешіне киінгенде, киіміңіздің негізгі бөлігі суға түсу киімі болуы керек: әйелдер үшін бикини, ерлер үшін шолақ шалбар. Іші көрінетін суға түсу киіміне тыйым салынған.

Бикинимен немесе суға түсуге арналған шолақ шалбармен қонақүй ішінде жүру не қолданба арқылы шақырған көлігіңізді күту сізді ыңғайсыздандыруы мүмкін. Бірақ уайымдамаңыз, олай жүруіңіз міндетті емес! Суға түсу киіміңіздің үстінен жейде, жағажай жамылғысын немесе шолақ шалбар киюіңізге болады. Дегенмен спорттық жейделер, көп қалталы шолақ шалбар, джинсы және ұзын шалбар сияқты спорттық киімдерді кимегеніңіз дұрыс, өйткені оларға әдетте рұқсат берілмейді.

Әдетте аяқкиімге қатысты ережелер де болады. Сәнді шәркей киюіңізге болады, ал әйелдерге көбіне сына өкшелі аяқкиім киюге рұқсат беріледі. Қатты табанды аяқкиімге тыйым салынған.

Әрине, әр кештің киімге қатысты өз талаптары бар, сондықтан барар алдында оларды міндетті түрде тексеріңіз. Кіреберістен кері қайтарылғанды қаламайсыз ғой!

Бассейн кешіне не алып бару керек #

Бассейн кешіне бармас бұрын, кіреберісте барлық сөмке тексерілетінін есте сақтаңыз. Қызметкерлер талаптарды қатаң ұстанады, сондықтан тек ең қажетті заттарыңызды алып барыңыз. Олар ешқандай сұйықтықты (күннен қорғайтын құралды да!), таблеткаларды немесе өздері тыйым салынған деп санайтын басқа заттарды кіргізбейді, сондықтан оларды қонақүйде қалдырған дұрыс. Телефон мен несие картасы сияқты қажетті заттарыңызды сақтау үшін су өткізбейтін шағын сөмке немесе қолсөмке алып баруды ұсынамыз.

Бассейні бар көптеген орын ыңғайыңыз үшін сақтау ұяшықтарын ұсынады, бірақ шамамен $50 төлеуге және өз ұяшығыңызға қол жеткізу үшін кезекте тұруға дайын болыңыз. Сондай-ақ сөмкеңіз тым үлкен болса, оны сақтау орнына тапсыруыңызды сұрауы мүмкін, бұл әр сөмке үшін шамамен $10 тұрады, бірақ күні бойы оған қол жеткізе алмайсыз. Мысалы, Wet Republic аумағында сөмке өлшемі 12″ x 12″ x 6″ өлшемінен аспауы керек. Бұған көз жеткізу үшін барар алдында клуб ережелерін тексеріңіз.

Бұған қоса, сүлгі алып барудың қажеті жоқ: оны сізге кеште береді. Сондай-ақ денеге тағылатын технологиялық құрылғыларды (ақылды сағат) немесе селфи таяқшаларын алып бармаңыз.

Сусындар қанша тұрады? #

Алдын ала ескертейік: Вегастағы күндізгі клубтарда сусын бағасы қымбат болуы мүмкін. Алкогольді газдалған сусынның $15 тұратынын немесе бір жұтымдық ішімдіктің де дәл сондай бағамен сатылатынын көрсеңіз, таңғалмаңыз, ал қалған сусындардың бәрі кемінде $20 тұрады. Арзан болмаса да, сіз Вегастасыз, сондықтан өзіңізді қуантыңыз!

Вегастағы бассейн кештерінің 2023 жылғы кестесі #

Бассейн кештері әдетте сәуірде басталып, бірнеше айға созылады. Кештердің көптігі сонша, бәрін тізіп шығу қиын дерлік, сондықтан оларды музыка түрі мен өтетін орны бойынша тізімдейтін сайттарды қарап шыққан жөн.

Қысқасы, кез келген музыкалық талғамға немесе көңіл көтеру стиліне сай бассейн кеші табылуы тиіс. Орынға тапсырыс бермес бұрын таңдауыңызды нақтылау үшін толық кестені қарап шығыңыз.

Лас-Вегаста жыл бойы ашық болатын бассейндер #

Вегастағы бассейн кештерінің көбі жазда өтетіні таңғаларлық емес. Бірақ Вегасқа баруды жоспарлап, кештерге қатысқыңыз келмесе де, қонақүйлердегі бассейндердің бәрі бірдей жыл бойы ашық болмайтынын ескерген жөн.

Суда жүзу мен бассейн жанында демалу Лас-Вегас сапарыңыздың ажырамас бөлігі болса, жыл бойы ашық болатын бірнеше бассейн мынадай:

· Bellagio Hotel. 2 үлкен бассейн қыста жылытылады.

· MGM Grand аумағында қыста жылытылатын бассейн бар.

· Palazzo/Venetian Hotel аумағында қыста жылытылатын бассейн бар.

· Resorts World. Стриптегі ең жаңа кешендердің бірі, мұндағы барлық бассейн маусымнан тыс уақытта да ашық болады.

Қыста бассейндерін ашық ұстайтын басқа да көптеген кешен бар. Алайда, көріп отырғаныңыздай, орындардың көбінде тек бір бассейн ғана қолжетімді болады. Бұл жылыту мен күтім шығындарын азайтып, басқа бассейндерде жұмыстар жүргізуге мүмкіндік береді. Қыста әдетте адам азырақ болады, сондықтан бассейнде орын үшін таласуыңызға тура келмеуі тиіс.

Қорытынды: Вегастағы бассейн кешінде не істеуге болады және не істеуге болмайды #

Не киюге болады (және не киюге болмайды) #

✔️Жағажай / бассейн стиліндегі киім

• Әйелдер: жағажай көйлектері мен белдемшелері, жамылғылар
• Ерлер: біртүсті / V тәрізді ойық жағалы қысқа жеңді жейде, жеңсіз үстіңгі киім

✔️Міндетті киім: суға түсу киімі

✔️Саусақ арасына киілетін сәнді шәркей

❌Іші көрінетін суға түсу киімі

❌Спорттық киім мен аяқкиім

❌Қатты табанды аяқкиім

‍

Не алып бару керек (және нені алып бармау керек) #

✔️ Су өткізбейтін шағын сөмке немесе қолсөмке

✔️ Жеке басыңызды куәландыратын құжат

✔️ Дәрі қажет болса, жарамды дәрігер нұсқамасы

❌ Үлкен сөмке

❌ Сұйықтық / ішімдік

❌ Таблеткалар

❌ Тағылатын технологиялық құрылғылар (мысалы, Apple Watch)

❌ Селфи таяқшасы

❌ Сүлгі

❌ Тіскебасарлар мен сағыздар

Байланыста болыңыз #

Қай кешке барсаңыз да, Вегаста сапалы интернеттің болуы өте маңызды. Ол сізге достарыңызбен және отбасыңызбен байланыста болу, жол табу, билеттерге тапсырыс беру және ең жақсы кештер мен клубтар туралы іздеп білу үшін қажет болады.

Осының бәрін және одан да көп нәрсені жасау үшін Roamify eSIM-ді жүктеп алыңыз. Ол Вегаста турист ретінде жүргенде байланыста болуға қажеттінің бәрін ұсынады. Одан да жақсысы, Roamify ұсынатын АҚШ пен Солтүстік Америка үшін алдын ала төленетін eSIM ұсыныстары ең арзандарының қатарына кіреді, сондықтан қандай ұсыныстарды ала алатыныңызды білу үшін оларды қарап шығыңыз.

2024 жылғы акциямыз аясында 5% жеңілдік алу үшін NEWYEAR кодын пайдаланып, Лас-Вегасқа сапарыңызға арналған тарифтердің қаншалықты арзан болуы мүмкін екенін көріңіз!